تجربة الشخصية مع صناعة المحتوى مع اليوتيوب 2022
مرحبا , راح اشارككم تجربتي مع اليوتيوب لعشر سنوات .. راح يكون الفيديو عبارة
عن اجزاء لاحكيلكم القصة الكاملة وكيف تحولت من مهندس مدني لصانع محتوى واعملت كرير
شفت بشكل كامل ؟ من البداية للنهاية لربما تجربتي تكون ملهمة ولو لشخص واحد .. اذا كنت مهتم اضغط لايك وفولو لتشوف الجزء
الثاني . سلام
اياك تندم على اي شيء تعلمته في حياتك , يعني على سبيل المثال انا قضيتها
10 سنين في موضوع اليوتيوب ولانه بتقدم محتوى تعليمي او محتوى هادف مش راح تكون
بحجم التفاعل مع المحتويات المثيرة للجدل او شخص ما بهمه صورته امام الناس بدون ذكر المشاهير الموجودين الحاليين اللي بتم
متابعتهم من باب نشوف هذا التافه شو بساوي علماً بانه حتجيب مشاهدات وفلوس ولكن
راح تخسر احترام الناس واحترامك لنفسك بعدين بعيداً كمان عن الناحية الدينية في
هذا الموضوع
.
وفي هاي الفترة بتقدروا تقولوا ما استفدت مادياً بشكل جيد من اليوتيوب !
ولكن سقلت الكتير من المهارات في هاي الفترة .
تعلمت المونتاج بشكل جيد , ودخلت مجال التعليق الصوتي من ورا اليوتيوب ,
وصرت بحمد لله من الاصوات المميزة في هذا المجال
وطورت من مستوى قنواتي , وبلشت اقدم خدمات في مجال المونتاج والتعليق
الصوتي للقنوات الثانية وكان الدخل افضل بكتير من اني اعمل فقط لقناتي من باب
التنويع في الدخل , وطبعاً هذا كله بجانب عملي في شركات ومؤسسات لانه شغل
الفريلانسر لحاله ما بكفي ولانه انا فلسطيني من غزة بتعرف شو يعني تشتغل فترة
وتقعد فترة .
اللي بدي اوصلك اياه في النهاية , انه دائماً طور من نفسك في مجال بتحبه
حتى لو ما كان ما بدخل عليك فلوس في البداية , انا حالياً بعمل مع مؤسسة دولية
دامج بين عملي الاداري اللي تعلمته من الهندسة ومن الهواية اللي كنت احبها
وهي عمل الفيديوهات على اليويتوب اللي اعطاني مهارات كتيرة , في اخر المطاف
راح تصل للي بدك اياه وربنا ما بضيع تعب حد.
كل التوفيق والحب الكم في حياتكم الاجتماعية والعملية .