لن تتخيل كم الارباح اللي ربحها انس واصالة من ورا فيديوهات الجنين 😲
حمل اصالة المالح
بما انه اصالة حامل , صار لازم نعرف جنس الجنين هههه وقديش ربحوا من ورا هذا الجنين هههههههه
بصراحة من اول يوم اعرفنا فيه بحمل اصالة وانا وكل عيلتي ما بنعرف نام , كنا متحيريييين جداً ولاد ولا بنت , كانت الاحتمالات صعبة جداً , وضلينا في توتر لاكثر من 6 اشهر .لانه زي ما بتعرفوا في علم الاحتمالات لما يكون خيارين صعب جداً تكون النسبة 50% ذكر و50$ انثى .
بس الحمد لله , الاسبوع هذا اعرفنا , انه بيبي صبي , يعني ازرق , ازرق , ازرق , يا فرج الله
برج خليفة الوحيد اللي يعرف جنس الجنين
طبعاً كل الشكر لبرج خليفة اللي فاجئنا انه هو الوحيد اللي كان عارف
بنتيجة الفحص , حتى انس ما كان يعرف , ويا حرام انبسط كتير
بس معقول لو كانت بنت كان مش راح يفرح زي هيك , ولا هو السيناريو انه يفرح بجميع الاحوال ؟
انا جبت 3 اطفال , الحمد لله 1 ازرق و2 زهري , ما بتذكر اني احتفلت بهيك مناسبة , معقول لانه كل تفكيرنا كيف نلاقي شغل نصرف عليهم ؟!
بس انا اقلكم ليش انس واصالة احتفلوا وكان لازم يحتفلوا , لانه مش هما اصلاً اصحاب الفكرة ...هما مين يا المحقق كونان ؟
من هو احمد النشيط؟
انا اقلكم , هذا احمد النشيط صاحب الفكرة . والله ما بمزح هو اسمه احمد النشيط .
شخص صار يوتيوبر من خلال هاي الفكرة , بصراحة ما بعرف شغله من قبل . بس احمد النشيط عاش مع انس واصالة قرابة الشهرين للتحضير لهيك مناسبة , وخلال هاي الفترة عمل مجموعة فيديوهات اثناء معيشته معهم وحصل على 278 الف مشترك .
يعني الموضوع بزنس وشهرة , بس لنكون برضو حقانين هو بعرف نارين بيوتي صاحبة ال8 مليون مشترك وعمل معها فيديو , نارين اللي ظهرت في اول الفيديو تبع ازرق ولا زهري هههه
ولانه هيك مناسبة مرت الها من قبل برج خليفة والفان جروب واحمد النشيط , كان لازم دعوة اكبر عدد من اليوتيوبر المشاهير والمقربين لانس واصالة ,
بس للاسف انا ما قدرت احضر الحفلة لانو زي ما بتعرفوا معبر رفح مسكر وصعب انك تسافر . مش راح احكي اكتير في هذا الموضوع بس ان شاء الله انس ما يزعل مني اني ما اجيت , ان شاء الله بحضر حفلة ككة البيبي هههه , وان شاء الله انا اللي راح انظم الحفلة , او انا بعزمك في غزة على حفلة افتتاح مطار او مينا لغزة .
ارباح انس واصالة الحقيقية من وراء فيديوهات الجنين
ونيجي لاهم شيء الناس حابة تتعرف عليه , انا في الفيديو هذا مش راح احكي عن ارباح انس الشهرية , ولكن انا راح احكي فقط عن ارباح انس ل9 فيديوهات, من اول يوم حملت فيه اصالة , وكان اول فيديو انذكر هذا الشيء فيه من شهرين وكان بعنوان اخيراً انا حامل ,, طبعاً مش انا , الكلام على لسان اصالة , بس ليش اخيراً , كاين هذا البيبي جاي شوق وعطش , مالها ميلا ما شاء الله عليها
المهم نرجع للموضوع , من شهرين كان اول فيديو ,واخر فيديو كان فتح الهدايا تبعت حفلة جنس الجنين , اعملت ملف اكسل وحطيت فيه كل المشاهدات وبما انه انا يوتيوبر عريق , وبربح 10$ شهري من اليوتيوب , فبعرف كم نسبة الالف مشاهدة للمحتوى العربي اللي مدة الفيديو اطول من 8 دقائق وطبعاً جميع فيديوهات انس واصالة اطول من 8 دقايق , لانهم فاهمين شو بساوو , نسبة الالف مشاهدة للمحتوى العربي 1$ ,ولانه الفيديو تبع الحفلة كان مترجم يعني في نسبة كبيرة اجانب راح يحضروا الفيديو حطيت 1.5$ لكل الف مشاهدة لهذا الفيديو تحديداً .
قبل ما تعرف كم الارباح لل9 فيديوهات خلال الشهرين الاخيرة لارباح انس واصالة وقف الفيديو , روح على السريع وخمن رقم واكتبه في التعليقات ,, واذا كان الرقم صح , ما راح نعطيك جائزة ولا اشي , ولكن راح نحط تعليقك كبطل انك قدرت صح..شكراً روح لأمك
ونيجي لساعة الحقيقة , ال9 فيديوهات حققوا مشاهدات 76 مليون
مشاهدة خلال الشهرين الاخيرة فقط , باربااااااااااااااح 106160$ , طبعاً 160$ للدقة ,
ونيجي لساعة الحقيقة الثانية , كم ارباح انس واصالة الشهرية ...... للاسف ما حدا بعرف وما حد حيعرف الا يكون عنده اجمالي المشاهدات الشهرية لقناتهم ,غير هيك صعب ,وجميع الارقام من السوشيال بليد كلها غلط , واللي ما بعرف موقع السوشيال بلايد فهو موقع بيعطي تقديرات خاطئة لارباح اليوتيوبرية,, خدوني مني كلها غلط .
وفي نهاية المقطع ان شاء الله يكون عجبكوا , بدنا نوصل هذا الفيديو ل500 لايك , 500 تعليق . سلام يا وحوش
واذا حابين نجبلكم ارباح المشاهير التانين اللي استفدوا من الايفينت اتركوا في التعليقات مين حابين نحطه تحت المشرحة