تحدي غطاة الزجاجة #bottlecapchallenge
هلا والله شباب
, سلام عليكم ورحمة الله
اليوم راح احكي
عن تحدي جديد انتشر في مواقع التواصل الاجتماعي تحدي غطاية الزجاجة , لكن قبل ما بنلش نحكي عن
هذا التحدي راح نمر بشكل سريع عن اخر التحديات الي صارت في السوشيال ميديا في عام
2019
1- تحدي بيرد بوكس Bird Box : بحط الشخص الي بده يعمل التحدي عصابة او قطعة قماش على عينيه ويحاول يمشي بدون ما يصدم باشي ويتخطي جميع العقبات الي في طريقه , وطبعاً هذا التحدي اصاب كتير ناس باصابات خطرة وحوداث
2-
الي بعده تحدي 10 سنين
: هذا تحدي كيوت ولزيز وما فيه اي اضرار , كل الفكرة تجيب صورة الك قبل ب10
سنين , يعني احنا في سنة 2019 تجيب صورة الك في 2009 وتحطهم جنب بعض وتنشرها , وتلاحظ
الفرق في التغير في الشكل خلال هاي ال10 سنوات .
3- تحدي الجبنة تحدي اهبل ما اله اي معني , بتجيب ابنك وبترمي على وجه شرايح الجبنة , بصراحة ان مش عارف وين الفكرة في هذا التحدي
4-
الي بعده , تحدي جمع القمامة :
تحدي حلو وممتاز وفيه اثر على نظافة البية , بتصور المكان وهو وسخ الله يعزكم ,
ومن بعد التنظيف بتاخد كمان صورة
5- تحدي رقصة المثلث , يعني تحدي هيك على ابو الماشي , كانوا 3 زهقانين قالوا قوموا نعمل تحدي اهبل جديد , الفكرة انه 3 اشخاص بكون 3 اضلاع للمثلث , وبصيروا ينطنطوا كل مرة واحد بكون جوا وال2 برا , راح تفهموا اكتر لما تشوفوا التحدي
6-
وهلقيت مع اخر تحدي والي شاغل العالم هلقيت وانا
في نهاية المقطع راح اجرب اعمل هذا التحدي بس يا رب ما انكسر , لانه بدو لايقة
ومرونة عالية . تحدي غطاية الزجاجة bottlecapchallenge
فكرة هذا
التحدي الي انتشره زي النار في الهشيم " الله عليا بحكي كلام عميق " ,
المهم بتجيب زجاجة مياه " يعني قزازة ميا " وبتعمل ركلة خلفية بسرعة وخف
من شان تزيل غطاية الزجاجة الي يفترض انه محكمة الاغلاق " الله اعلم مسكرينها
كويسة ولا بشتغلونا " , ولازم يصور نفسه بتقنية التصوير البطيئ السلو موشن
" Slow motion"
واول من بدأ هذا
التحدي لاعبين فنون القتال المختلطة MMA ,
ولانه هدول الجماعة محترفين حركات وطياران وكيكات بين انه التحدي سهل .
وقام بطل القتال النهائي
(UFC) من فئة وزن الريشة، ماكس هولواي، بالتحدي ,
وبعديها تحدى المغني الامريكي جون ماير الي نجح في التحدي , ومن بعديها فتحت
ماسورة مشاهير وناس عاديين قاموا بالتحدي وزبطت معهم بس الله اعلم بعد اكم من مرة
لما زبطت
ولانه مشاهير كتار شاركوا بالتحدي كان اله اثر كبير وانتشار
واسع , ومنهم جيسون ستاثام الي عمل الضربة
باحترافية عالية , ومنه بعد المصارع الإيرلندي، كونور ماكغريغو للي ما بعرف
كونور ماكريغور هذا المصارع الي حبيب محمدوف جابه نصيهم هههه , اذا حابين نحكيلكم
عن قصة حبيب وماكريغور اكتبلنا في قسم التعليفات
في النهاية فكرة التحدي لزيزة وحلوة وما فيها مخاطرة ,
وعجبتني اكتر اشي فكرة التصوير بالبطئ وهيك
وفي نهاية المقطع ما تنسوا اللايك والشير والسبكسريب .,
سلام